O Programa de Ciencias Mariñas de Galicia forma parte do Programa de Ciencias Mariñas do Estado, que á súa vez se enmarca nos Plans Complementarios de I+D+i coas Comunidades Autónomas, a través da Liña de Investimento 1 do Compoñente 17 do Plan de Recuperación Transformación e Resiliencia.
A protección e a xestión sostible dos servizos dos ecosistemas mariños é o desafío principal deste programa, no que participa CIMA xunto a máis de 250 investigadores pertencentes a máis de 80 grupos de investigación de múltiples disciplinas.
Son tres as liñas de actuación principais: a observación e monitorización do medio mariño e do litoral, a acuicultura sostible, intelixente e de precisión e a innovación, o coñecemento e as oportunidades de adaptación ao cambio na economía do mar.
