CIMA a través da súa colaboración na Agrupación Aeroespacial da UVIGO participou nos satélites do tipo “ Cubesat”: XATCOBEO, HUMSAT e SERPENS con moi bos resultados.
O proxecto Humsat consiste nunha constelación de satélites, sensores e estacións de terra, a través do que se contará cunha rede mundial de sensores de baixo custo para monitorizar parámetros que permitirán estudar o cambio climático en zonas sen infraestruturas de telecomunicación ou eléctricas, así como transmisións de información urxente en situacións de emerxencia.
Os satélites da constelación encargaranse de recoller a información que vaian recompilando os sensores, uns datos que logo se trasladarán a Internet ao dispor do usuario final.
